Արմինֆո.Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունել է «Save Armenia» («Փրկենք Հայաստանը») կազմակերպության պատվիրակությանը՝ գործադիր տնօրեն դոկտոր Փոլ Մյուրեյի գլխավորությամբ:
Ինչպես հայտնում է Մայր Աթոռ Սուրբ Էջմիածնի տեղեկատվական համակարգը, Նորին Սրբությունը երախտագիտություն է հայտնել պատվիրակության անդամներին՝ մարդու իրավունքների պաշտպանությանը, կրոնական ազատության խթանմանը և ժողովուրդների միջև երկխոսության զարգացմանն ուղղված նրանց նախաձեռնությունների համար:
Գարեգին Բ-ն գոհունակությամբ է նշել կազմակերպության ջանքերը՝ ուղղված Հայաստանին և հայ ժողովրդին առնչվող հարցերի բարձրաձայնմանը և միջազգային հարթակներում դրանց պատշաճ ներկայացմանը, հատկապես մեր երկրի համար այս դժվարին ժամանակներում:
Հայոց Հայրապետն անդրադարձել է Եկեղեցի-պետություն հարաբերությունների ներկա իրավիճակին, Արցախից բռնի տեղահանված հայերի իրավունքների պաշտպանությանը, Ադրբեջանում ապօրինաբար պահվող հայ գերիների ազատ արձակմանը, ինչպես նաև Արցախի հայկական հոգևոր ու մշակութային ժառանգության պահպանմանը։
Խոսելով Հայ Առաքելական Եկեղեցու հոգևոր, կրթական և ազգապահպան առաքելության մասին՝ Վեհափառ Հայրապետն ընդգծել է, որ Եկեղեցին իր ծառայությունն է իրականացնում հայության հոգևոր կյանքի զորացման, ազգային միասնության ամրապնդման և հասարակական կյանքում հոգևոր ու բարոյական արժեքների հաստատման գործում:
Դոկտոր Փոլ Մյուրեյը ներկայացրել է պատվիրակության այցի նպատակը և վերահաստատել կազմակերպության պատրաստակամությունը՝ սատարելու Հայ Եկեղեցուն ու հայ ժողովրդին և ամեն կերպ նպաստելու Հայաստանի առջև ծառացած մարտահրավերների հաղթահարմանը:
Զրույցի ընթացքում անդրադարձ է կատարվել նաև տարածաշրջանում խաղաղության հաստատման գործընթացներին՝ ընդգծելով, որ հարատև խաղաղությունը պետք է հիմնված լինի արդարության, ժողովուրդների իրավունքների հարգման և արժանապատիվ համակեցության սկզբունքների վրա:
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան