Հայաստանն առաջատար եռյակում է Վրաստան այցելությունների թվով

Արմինֆո.Հայաստանը 2025 թվականին Վրաստան այցելությունների թվով առաջատար եռյակում Է՝ Ռուսաստանից և Թուրքիայից հետո։ Այդ մասին գրում են վրացական ԶԼՄ-ները ՝ վկայակոչելով Վրաստանի ՆԳՆ տվյալները։

Նշվում է, որ 2025 թվականին, ընդհանուր առմամբ, Վրաստան է մուտք գործել 7 829 327 օտարերկրյա քաղաքացի, իսկ մեկնել է՝ 7 797 140-ը: "2025 թվականին Ռուսաստանի Դաշնության կողմից Վրաստանի սահմանը հատել է 2 046 450 մարդ, և գրեթե նույնքան հետ է մեկնել ՝ 2 046 141 մարդ ։ Սահմանահատումների թվով Ռուսաստանից հետո Թուրքիան ու Հայաստանն են։ Թուրքիայից 2025 թվականին Վրաստան է մուտք գործել 1 392 698 մարդ, Հայաստանից ՝ 1 227 507։ Առաջին տասնյակի երկրների թվում են նաև Իսրայելը, Ադրբեջանը, Ղազախստանը, Հնդկաստանը, Ուկրաինան, Բելառուսը և Չինաստանը", - հաղորդել են Վրաստանի ՆԳՆ-ում։

Առանձին նշվում է, որ հաշվետու ժամանակահատվածում Եվրամիության երկրներից Վրաստան արձանագրվել է  522 438 մուտք եւ 520 275 ելք:

Ընդ որում, ընդգծվում է հասկանալու կարևորությունը, որ այս թիվը ոչ մի կապ չունի զբոսաշրջային այցելությունների հետ.Այստեղ խոսքը հենց սահմանահատումների, այլ ոչ թե եզակի զբոսաշրջիկների թվի մասին է: