Արմինֆո. Հայաստանի զինված ուժերի զինծառայողների թիվը, ըստ իրականացված վերլուծության, նվազել է դեռ մինչև 2020 թվականի 44-օրյա պատերազմը։ Այս մասին մայիսի 12-ին "Զինվորական ծառայության եւ զինծառայողի կարգավիճակի մասին", "Պետական տուրքի մասին" օրենքներում եւ ՀՀ քրեական օրենսգրքում փոփոխություններ կատարելու օրենսդրական նախաձեռնությանը նվիրված մամուլի ասուլիսի ժամանակ հայտարարել է փաթեթի հեղինակ, "Քաղաքացիական պայմանագիր" կուսակցության խմբակցության պատգամավոր Հայկ Սարգսյանը։
Պատգամավորը նշել է, որ զորակոչիկների թվի նվազումը կապված է օբյեկտիվ գործոնների հետ, որոնց թվում է ծնելիության ցածր մակարդակը, այդ թվում՝ արական սեռի ներկայացուցիչների: Այդ առնչությամբ Սարգսյանը վիճակագրական տվյալներ է ներկայացրել, որոնց համաձայն, վերջին 30-40 տարիների ընթացքում տղաների ամենամեծ թիվը գրանցվել է 1990 թվականին՝ 41 054, այն դեպքում, երբ 2001 թվականին այդ թիվը կազմել է 17 285, ինչն, իր հերթին, ազդել է զորակոչիկների թվի նվազման վրա:
Միևնույն ժամանակ, պատգամավորը չի հերքել, որ առկա աշխարհաքաղաքական իրավիճակը, ներառյալ 44-օրյա պատերազմի հետևանքները, նույնպես ազդեցություն է ունեցել զինծառայողների թվի կրճատման վրա: Այս առնչությամբ նա ուշադրություն է հրավիրել այն փաստի վրա, որ քաղաքացիությունից հրաժարվելու ամենամեծ թիվը եղել է 2020 թվականին, և 2020-2024 թվականներին այդ թիվը, նրա խոսքով, նվազել է։
Խոսելով զինվորական ծառայությունից խուսափելու համար պետական տուրք սահմանելու նախաձեռնության և դրա արդյունքում սոցիալական անարդարության առաջացման ռիսկի մասին՝ նա հավաստիացրել է, որ նախագիծը միտված է ոչ թե սոցիալական անարդարության ստեղծմանը, այլ՝ արդարության վերականգնմանը:
"Զինվորական ծառայությունից ազատվելու համար պետական բարձր տուրքերը նախատեսված են այս խնդիրը կանխելու համար։ Եթե քաղաքացին որոշում է հրաժարվել քաղաքացիությունից, ապա նա պետք է վճարի պայմանագրային զինծառայողի երկու տարվա աշխատավարձին համարժեք գումար: Այդպիսով, մենք ավելի ռացիոնալ կկառավարենք այդ միջոցները։ Բացի այդ, այդ վճարումները կմնան մեր երկրում եւ կուղղվեն այլ քաղաքացիների կյանքի որակի բարելավմանը", - նշել է Սարգսյանը։
Պրոֆեսիոնալ բանակ ունենալու անհրաժեշտության մասին գործող իշխանության հայտարարությունների վերաբերյալ պատգամավորը նշել է, որ իրենք իրատեսորեն ձգտում են հասնել Հայաստանում պարտադիր զինվորական ծառայության ժամկետի կրճատման և աստիճանաբար անցնել մի իրավիճակի, երբ քաղաքացիները կկարողանան կարճատեւ զինվորական ծառայություն անցնել, որից հետո կհաշվառվեն պահեստազորում: Բացի այդ, ինչպես նշել Է Սարգսյանը, դա թույլ կտա մի քանի տարին մեկ 25-օրյա հավաքներ իրականացնել եւ ավելի մեծ թվով պահեստազորայիններ ունենալ։
"Մենք կկարողանանք այդ տրամաբանությամբ լուծել խնդիրը, ինչը նույնպես կբարձրացնի ծառայության գրավչությունը", - նշել Է Սարգսյանը:
Ընդ որում, անդրադառնալով օրենքների փաթեթի փոփոխություններին, որոնց համաձայն, հիվանդություններ ունեցողները պետք է սահմանափակումներով ծառայություն անցնեն, Սարգսյանը չի մանրամասնել, թե ինչ հիվանդությունների մասին է խոսքը: Նա պարզաբանել է, որ այս պահին այդ ցուցակի վերանայման առաջարկի քննարկում է ընթանում ՀՀ առողջապահության նախարարության հետ։
Առաջարկվում է նաև պարտադիր զինվորական ծառայության զորակոչվելու սահմանային տարիքը 27-ից հասցնել 37-ի: Մինչև 18 տարեկան անձանց կողմից ՀՀ քաղաքացիությունը փոխելու դեպքում կգանձվի 15 մլն դրամ պետական տուրք: Բացի այդ, նախատեսվում է քրեականացնել պարտադիր զինվորական ծառայությունից խուսափելը, ներառյալ քրեական վարույթի շրջանակներում նշանակված փորձաքննությանը մասնակցելուց խուսափելու դեպքերը:
Խրախուսական միջոցների շարքում, ըստ փոփոխությունների, օրենսդրության փոփոխությունների արդյունքում առաջացած լրացուցիչ ֆինանսական միջոցների մի մասն ուղղվելու է ժամկետային զինվորական ծառայություն անցնող շարքային կազմի զինծառայողների նյութական ապահովման չափի ավելացմանը: 18 տարին լրացած քաղաքացիներին հնարավորություն կտրվի զինծառայություն անցնել կրճատված ժամկետով, ինչն այժմ հնարավոր է միայն 27 տարին լրացած անձանց համար: Ժամկետային զինծառայողներին կառաջարկվի ընտրություն. ծառայել 24 ամիս և ստանալ բարձր ապահովագրություն, ծառայել 6 ամիս և պետբյուջե վճարել 15 մլն դրամ, կամ ծառայել 1 ամիս և վճարել 20 մլն դրամ: Բացի այդ, արական սեռի ներկայացուցիչների՝ մինչև զինվորական ծառայության համար սահմանային տարիքի հասնելը քաղաքացիություն ստանալը կխրախուսվի կրճատված ժամկետով ծառայելու կամ զինվորական ծառայության փոխարեն սահմանված գումարը պետբյուջե վճարելու հնարավորությամբ:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
