2015թ.-ի ապրիլի 27-ին ՆԱՍԴԱՔ ՕԷՄԷՔՍ Արմենիայում տեղի է ունեցել «ԱՐՄՍՎԻՍԲԱՆԿ» ՓԲԸ ԱՄՆ դոլարով արտահայտված արտարժութային պարտատոմսերի (SWISB3) երրորդ թողարկման տեղաբաշխումը: Այս մասին ԱրմԻնֆո գործակալությանը տեղեկացվել է Բորսայի մամուլի ծառայությունից:
Աղբյուրի համաձայն, ընկերությունը տեղաբաշխման է ներկայացրել 1,000 ԱՄՆ դոլար անվանական արժեքով, 5 տարի ժամկետայնությամբ, 8.5% արժեկտրոնի տոկոսադրույքով, 5,000 հատ անվանական արժեկտրոնային պարտատոմս` 5 մլն. ԱՄՆ դոլար ծավալով։
Պարտատոմսերի համար ներկայացված գնման հայտերի ընդհանուր գումարը (ընդհանուր պահանջարկը) կազմել է 5,427,000 ԱՄՆ դոլար: Պարտատոմսերն ամբողջությամբ տեղաբաշխվել են, որի արդյունքում Ընկերությունը ներգրավել է 5 մլն.ԱՄՆ դոլար: Տեղաբաշխված արժեթղթերի կտրման գինը եղել է 1,000 ԱՄՆ դոլար, իսկ միջին կշռված եկամտաբերությունը և կտրման եկամտաբերությունը՝ 8.5 %:
Հիշեցնենք, որ ապրիլի 16-ին բորսայի տեղաբաշխման հարթակում տեղաբաշխվել էին ԱՐՄՍՎԻՍԲԱՆԿ-ի պարտատոմսերի 1-ին և 2-րդ տրանշները, որի արդյունքում ընկերությունը ներգրավել է 5 մլն ԱՄՆ դոլար: Մասնավորապես, առաջին տրանշով (բորսայական հապավումը` SWISB1) տեղաբաշխվել է 2 հազ.պարտատոմս` 2 մլն դոլար ընդհանուր ծավալով: Մեկ արժեթղթի անվանական արժեքը նույնպես կազմել է 1000 դոլար, եկամտաբերությունը` 7.5%, նախնական (առավելագույնը) տոկոսադրույքը` 7.5%, իսկ մարման ժամկետը`3 տարի: SWISB1 պարտատոմսերն ամբողջությամբ տեղաբաշխվել են, ինչի արդյունքում բանկը ներգրավեց 2 մլն.դոլար: Նշված պարտատոմսերին ներկայացված հայտերի ընդհանուր ծավալը 2 մլն դոլար: Տեղաբաշխված պարտատոմսերի միջին կշռված եկամտաբերությունը և կտրման եկամտաբերությունը կազմել է 7.5%, իսկ կտրման գինը կազմել է 1000 դոլար: Երկրորդ տրանշով (բորսայական հապավումը` SWISB2) տեղաբաշխվել է 3 հազար պարտատոմ, 3 մլն.դոլար ծավալով: մեկ պարտատոմսերի նախանական արժեքը կազմել է 1000 դոլար, եկամտաբերությունը` 8%, նախնական (առավելագույնը) տոկոսադրույքը կամ կտրման գինը`8%, շրջանառության ժամկետը`4 տարի: SWISB2 պարտատոմսերը նույնպես ամբողջովին տեղաբաշխված են, ինչի արդյունքում բանկը ներգրավեց 3 մլն.դոլար: Այդ պարտատոմսերին ներկայացված հայտերի ընդհանույ ծավալը կազմել է 3,010 մլն դոլար: Տեղաբաշխման միջին կշռված եկամտաբերությունը և կտրման եկամտաբերությունը կազմել է 8%, իսկ կտրման գինը կազմել է 1000 դոլար:
Ըստ ԱրմԻնֆո գործակալության` Հայաստանի բանկերի ֆինանսական վարկանիշների, Արմսվիսբանկի ակտիվները 2015 թվականի հունվարի 1-ին կազմել են 84.5 մլրդ դրամ, տարեկան աճը` 21%, ընդհանուր կապիտալը կազմել է 17,9 մլրդ դրամ, վարկային ներդրումները` 38.1 մլրդ դրամ, տարեկան կտրվածքով աճը`32.4%, պարտավորությունները կազմել են 66.6 մլրդ դրամ, տարեկան աճը`36.9%, ժամկետային ավանդները`29.3 մլրդ. դրամ (գերակշռում են իրավաբանական անձանց միջոցները), տարեկան աճը`35,1%: Ներդրումները պետական պարտատոմսերում կազմել են 28.6 մլրդ դրամ, տարեկան անկումը` 4,4%: 2014 թվականը Բանկը եզրափակել է 2.3 մլրդ.դրամ զուտ շահույթով, տարեկան աճը` 32.4%: Այս ցուցանիշով բանկը գտնվում է լավագույն տասնյակում:
Նշենք, որ ԱՐՄՍՎԻՍԲԱՆԿ-ը հիմնադրվել է որպես փակ բաժնետիրական ընկերություն 2004թ. հոկտեմբերի 7-ին և ՀՀ ԿԲ-ից ստացել է բանկային գործունեության լիցենզիա 2005թ. փետրվարի 25-ին: Բանկի բաժնետոմսերի 80%-ի սեփականատերն է հանդիսանում Վարտան Սիրմակեսը, ով շվեյցարական ժամացույցների «Ֆրանկ Մյուլլեր Ուոչլանդ» ընկերության հիմնադիրն է, իսկ 20%-ը պատկանում է Վարտան Սիրմակեսի կողմից կառավարվող «ԲԵԼԵԳԻՆԳՍՄԱՉԵՓԻՋ ՋՈՆԳՈ» ՍՊԸ–ին: Բանկը գործունեություն է ծավալում կորպորատիվ և ներդրումային ուղղություններով՝ կիրառելով փրայվիթ բենքինգի տեխնոլոգիաներ: Լրացուցիչ տեղեկությունների համար կարող եք այցելել
«ՆԱՍԴԱՔ ՕԷՄԷՔՍ Արմենիա» ԲԲԸ-ն Հայաստանում գործող միակ ֆոնդային բորսան է: 26.01.2009թ.-ից «Հայաստանի ֆոնդային բորսա» ԲԲԸ-ն պաշտոնապես վերանվանվել է «ՆԱՍԴԱՔ ՕԷՄԷՔՍ Արմենիա» ԲԲԸ-ի: 05.06.2009թ.-ից ՆԱՍԴԱՔ ՕԷՄԷՔՍ Արմենիա-ն «Հայաստանի Կենտրոնական Դեպոզիտարիա» ԲԲԸ-ի միակ բաժնետերն է:
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
