Զոհրաբ Մնացականյանը պատմել է Լեհաստանում Երկրորդ համաշխարհային պատերազմի մեկնարկի 80-ամյակին նվիրված միջոցառումներին Հայաստանի ղեկավարության չմասնակցելու պատճառների մասին

Արմինֆո. ՀՀ արտաքին գործերի նախարար Զոհրաբ Մնացականյանը չի համաձայնել այն ձեւակերպմանը, որ վարչապետ Նիկոլ Փաշինյանը մերժել է Լեհաստանի տնտեսական ֆորումին մասնակցելու հրավերը: Օգոստոսի 29-ին ԱԺ-ում լրագրողների հետ զրույցում անդրադառնալով լրագրողների հրացին՝ Մնացականյանը, մասնավորապես ասել է. Աայստեղ հարցը մերժումը չէ. այստեղ ինքնիշխանության հարց է։ 

Մենք չենք մերժել հրավերը։ Վարչապետն ունի այցերի իր ծրագիրը, որն իրականացվում է, առաջնահերթությունների ներքին օրակարգը, և երբ մենք համադրում ենք դրանք (նկատի ունենալով, ամենայն հավանականությամբ, ստացված հրավերները - խմբ.), մենք պետք է վերլուծենք, թե ինչպես վարվել դրանց հետ՝ հաշվի առնելով արտաքին և ներքին քաղաքական առաջնահերթությունները։  Ելնելով վերոգրյալից ՝ մենք այդպես ենք վարվել"։

Նա նաեւ տարակուսանք է հայտնել Երկրորդ համաշխարհային պատերազմի 80-ամյակին նվիրված միջոցառումներին մասնակցելու հարցում վարչապետի նկատմամբ ճնշում գործադրելու հնարավորության վերաբերյալ հարցի առնչությամբ: "Այստեղ հարցը նաև սկզբունքային է: Երկրորդ համաշխարհային պատերազմի պարագայում մենք ներկայացնում ենք երկիր, որը  ուղիղ կապ է ունեցելլ այդ իրադարձությունների հետ, անմիջական ներգրավվածություն, և վստահ եմ, որ հարկ հիմա չկա մանրամասն խոսել այն մասին, թե ինչ ներդրում է ունեցել Հայաստանը եւ հայ ժողովուրդը այդ պատերազմում  հաղթանակի գործում՝ այն ժամանակ լինելով Խորհրդային Միության և Խորհրդային բանակի մաս: Եվ մենք որոշ նրբանկատությամբ ենք վերաբերվում այն բանին, թե ինչպես է այդ հարցն ըստ էությա արտացոլվում տարբեր հարթակներում։ Մեր պապերը կռվել են, մենք ունեցել ենք մարշալներ, գեներալներ, Խորհրդային Միության հերոսներ։  Մենք հսկայական զոհեր ենք տվել, մենք այն ժամանակ Խորհրդային բանակի կազմում էինք և պայքարում էինք նացիզմի դեմ, պաշտպանելով մեր միասնական հայրենիքը, և միանգամայն բնական է, որ այդ թեման մեզ համար շատ զգայուն է", - ամփոփել է Մնացականյանը։

Նախօրեին ԱրմԻնֆոն հաղորդել էր, որ Հայաստանի վարչապետ Նիկոլ Փաշինյանը չի մասնակցի սեպտեմբերի 1-ին Վարշավայում կայանալիք հանդիսավոր միջոցառումներին: "Վարչապետը Լեհաստանում Երկրորդ համաշխարհային պատերազմի մեկնարկի տարելիցին նվիրված միջոցառումներին մասնակցելու հրավեր չի ստացել",- ԱրմԻնֆոյին հաղորդել է կառավարության ղեկավարի մամուլի քարտուղար Վլադիմիր Կարապետյանը:

Իսկ ՀՀ ԱԳՆ մամուլի քարտուղար Աննա Նաղդալյանն ԱրմԻնֆոյին տեղեկացրել է, որ ՀՀ կառավարության ղեկավարը չի մասնակցի սեպտեմբերի 3-5-ը լեհական Կրինիցա-Զդրույ քաղաքում կայանալիք 29-րդ միջազգային տնտեսական համաժողովին:  Մինչդեռ համաժողովի կայքում տեղեկացվել էր, որ Նիկոլ Փաշինյանը համաժողովին հրավիրվածների թվում է և լինելու է միջոցառման կարևոր հյուրերից մեկը:  Ավելի ուշ հայտնի դարձավ, որ հրավերը ստացել է ՀՀ նախագահ Արմեն Սարգսյանը, սակայն նրա մասնակցությունը միջոցառմանը չի նախատեսվում ։

Հիշեցնենք, որ դեռեւս ս.թ. մարտի 19-ին Լեհաստանի նախագահի մամուլի քարտուղար Բլաժու Սպիխալսկին հայտարարել էր, որ սեպտեմբերի 1-ին Վարշավայում կայանալիք հանդիսավոր միջոցառումներին հրավիրված պետք է լինեն միայն Եվրոպական միության, ՆԱՏՕ-ի, ինչպես նաեւ "Արեւելյան գործընկերության" անդամ պետությունները ՝ Բելառուսը, Մոլդովան, Ուկրաինան, Հայաստանը, Ադրբեջանը, Վրաստանը՝ առանց Ռուսաստանի։  Սպասվում է, որ այս տարի Լեհաստան կժամանեն ԱՄՆ նախագահ Դոնալդ Թրամփը եւ Գերմանիայի դաշնային կանցլեր Անգելա Մերկելը: Ուկրաինայի պաշտոնական պատվիրակության մասնակցությունը, որը նույնպես հրավեր է ստացել Անջեյ Դուդայից, հաստատել են նախագահ Վլադիմիր Զելենսկու գրասենյակից: Մինչդեռ Բելառուսի նախագահ Ալեքսանդր Լուկաշենկոն չի մասնակցի այդ միջոցառումներին։  Լեհական Rzeczpospolita պարբերականի փոխանցմամբ ՝ Լուկաշենկոն հրաժարվել է Լեհաստան այցից, քանի որ Վարշավայի միջոցառումներին Լեհաստանի իշխանությունները չեն հրավիրել ՌԴ նախագահ Վլադիմիր Պուտինին։