Արմինֆո. Շվեյցարիան լավագույն վայրն է աշխարհում ապրելու և աշխատելու համար: Այդ մասին են վկայում HSBC Expat-ի կողմից իրականացվող «Ապրելու և աշխատելու համար լավագույն վայրերե հետազոտության արդյունքները:
Երիտասարդ մասնագետներն ամենից շատ են շահում արտերկիր տեղափոխվելիս
. Շվեյցարիան լավագույն վայրն է աշխարհում ապրելու և աշխատելու համար
. 18-ից 34 տարեկանները մյուս տարիքային խմբերի համեմատ ամենաշատն են աշխատավարձի աճ ունենում աշխատանքի նպատակով բնակության վայրը փոխելու դեպքում
. 18-ից 34 տարեկան օտարերկրացի աշխատողների 47%-ը տեղափոխվում է՝ կարիերայի զարգացման նպատակով:
Երիտասարդ մասնագետները, ովքեր տեղափոխվում են արտերկիր մինչև 35 տարեկանը, աշխատավարձի ավելի մեծ աճ և պաշտոնի ավելի արագ բարձրացում են ունենում, համաձայն HSBC Expat-ի կողմից իրականացվող «Ապրելու և աշխատելու համար լավագույն վայրերե հետազոտության:
Առավելություններ երիտասարդ մասնագետների համար
Արտերկիր տեղափոխվելուց հետո երիտասարդ մասնագետների աշխատավարձի աճը կազմում է մոտ 35%՝ միջինում 40,358 ԱՄՆ դոլարից հասնելով մինչև 54,484 ԱՄՆ դոլարի: Սա գումարային առումով շատ ավելին է, քան ավելի բարձր տարիքային խմբի մասնագետների աշխատավարձի աճը: 35-ից 54 տարեկան մասնագետների աշխատավարձն առավելագույնը բարձրանում է մեկ քառորդով (24%), իսկ 55 տարեկանից բարձր մասնագետներինը՝ միջինում 9%-ով:
Չնայած հազարամյակի սերնդին վերագրվող կարծրատիպերին՝ ավելի հավանական է, որ ցանկացած այլ տարիքային խմբի համեմատ երիտասարդները կարիերայի զարգացման (47%) և աշխատավարձի բարձրացման (29%) նպատակով արտերկիր տեղափոխվեն, ինչի արդյունքում էլ կարողանում են հասնել իրենց առջև դրված նպատակին: Արդյունքում, նրանց 37%-ն ավելի արագ է պաշտոնի բարձրացում ստանում, իսկ 71%-ը նոր հմտություններ է ձեռք բերում: 55%-ի կարծիքով արտերկիր տեղափոխվելուց հետո նրանք առավել ինքնավստահ են դարձել, իսկ 36%-ի կարծիքով՝ առավել ստեղծագործ:
HSBC-ի հետազոտության համաձայն՝ հազարամյակի սերունդը, որն ավելի հաճախ վարձակալում է, քան գնում բնակարան, առաջնային է համարում իր սեփական տունն ունենալը: Տուն գնելը գերակա ֆինանսական առաջնահերթություն է 18-ից 34 տարեկան անձանց համար, ովքեր տեղափոխվում են արտերկիր աշխատանքի նպատակով: 45%-ն արդեն այս ճանապարհին է՝ պլանավորելով տուն գնել առնվազն մեկ երկրում, իսկ 6%-ն արդեն տուն ունի երկու տարբեր երկներում:
Օտարերկրյա աշխատողների համար առաջատար երկրների հնգյակը՝ ըստ HSBC-ի հետազոտության
Շվեյցարիան գլխավորում է հնգյակը: HSBC-ի հետազոտությունը պարզել է, որ Շվեյցարիան համարվում է ապրելու և աշխատելու համար լավագույն երկիրը՝ վերցնելով այս «տիտղոսե-ը Սինգապուրից, որը չորս տարի անընդմեջ գլխավորում էր ցուցակը:
Շվեյցարիայում ապրող օտարերկրացի աշխատողների 82%-ի կարծիքով՝ նրանց կյանքը բարելավվել է այստեղ տեղափոխվելուց հետո: 70%-ի կարծիքով՝ շրջակա միջավայրը Շվեյցարիայում ավելի մաքուր և հաճելի է, քան իրենց հայրենիքում, իսկ 42%-ն ասում է, որ այստեղ ֆիզիկապես ավելի առողջ են զգում 33% ընդհանուր գլոբալ միջինի համեմատ:
Ֆինանսական գործոնները ևս նպաստել են, որ Շվեյցարիան գլխավորի HSBC-ի հետազոտության աղյուսյակը: 10-ից 7-ը (71%), ովքեր տեղափոխվել են Շվեյցարիա, այժմ հարկերից և ծախսագրումից հետո մնացած ավելի մեծ զուտ եկամուտ ունի: Նրանց միջին աշխատավարձը կազմում է 111,587 ԱՄՆ դոլար, մինչդեռ գլոբալ միջին աշխատավարձը կազմում է 75,966 ԱՄՆ դոլար: Շվեյցարիայի գլխավոր քաղաքը՝ Ցյուրիխը, աշխարհում առաջատար ֆինանսական կենտրոններից է: Օտարերկրացի երիտասարդ մասնագետներից հինգից մեկը (19%) աշխատում է ֆինանսական ծառայությունների մատուցման ոլորտում:
Հոնկոնգ. ֆինանսական կենտրոն կարիերայի զարգացման և աշխատավարձի բարձրացման համար
Երիտասարդ մասնագետների ավելի քան երկու երրորդը (67%) տեղափոխվում են Հոնկոնգ` կարիերայի զարգացման նպատակով: Հոնկոնգը հայտնի ֆինանսական կենտրոն է, որն այցելուներին առաջարկում է աշխատավարձի աճի բազում հնարավորություններ. 18-ից 34 տարեկան օտարերկրացի աշխատողների աշխատավարձը միջինում 41%-ով բարձրանում է Հոնկոնգ տեղափոխվելուց հետո: Ավելին, նրանց առօրյան միայն աշխատանքից բաղկացած չէ. գրեթե երեք քառորդի (71%) կարծիքով` այստեղ ապրելով՝ նրանք առավել հաճախ են ճամփորդում, քան նախկինում:
Արաբական Միացյալ Էմիրություններ. հրաշալի հնարավորություններ երիտասարդ մասնագետների համար
ԱՄԷ-ն՝ լինելով ամենաարագ զարգացող երկրներից Պարսից ծոցի տարածաշրջանում, գրեթե մեկ տասնամյակ շարունակ տարբեր երկրներից ներգրավում է մասնագետների: 35 տարեկանը չլրացած երիտասարդ մասնագետների 62%-ը կարիերայի զարգացման նպատակով այստեղ է տեղափոխվել: ԱՄԷ-ն պատկանում են այն երկրների ցանկին, որտեղ երիտասարդները ունենում են աշխատավարձի ամենամեծ աճը այլ երկրների համեմատ. 18-ից 34 տարեկան օտարերկրացի մասնագետներն այստեղ միջինում տարեկան 51% եկամտի աճ են ունենում:
Միացյալ Թագավորություն. հմտությունների ձեռքբերում նպատակասլաց մասնագետների համար
Միացյալ Թագավորություն տեղափոխվածների 36%-ն այս քայլին դիմում է գիտելիքներն ու հտմությունները զարգացնելու նպատակով: Միացյալ Թագավորությունում երիտասարդ մասնագետների 59%-ի կարծիքով՝ այստեղ տեղափոխվելուց հետո նրանք ավելի վստահ են իրենց զգում աշխատանքի առումով, իսկ 36%-ն ասում է, որ առավել արդյունավետ են կապեր ստեղծելու գործում: 60%-ի կարծիքով՝ Միացյալ Թագավորություն տեղափոխվելը դրական է ազդում կարիերայի աճի վրա:
Ապրելու և աշխատելու համար լավագույն տասը երկրները
Երկիր վարկանիշ Շվեյցարիա 1, Սինգապուր 2, Կանադա 3, Իսպանիա 4, Նոր Զելանդիա 5, Ավստրալիա 6, Թուրքիա 7, Գերմանիա 8, Արաբական Միացյալ Էմիրություններ 9 ,Վիետնամ 10:
Արտերկրացի երիտասարդ մասնագետների համար (18-34 տարեկան) HSBC-ի Expat ցուցակում առաջնային դիրքերում են հետևյալ երեք երկրները՝ Հոնկոնգ, Արաբական Միացյալ Էմիրություններ և Միացյալ Թագավորություն:
Փոլ Էդգարը՝ HSBC Հայաստանի գլխավոր գործադիր տնօրենը, նշում է. «Հետազոտությունը ցույց է տալիս, որ աշխարհի տարբեր երկրներում ապրող երիտասարդ մասնագետները պատրաստ են տեղափոխվել արտերկիր և այնտեղ զարգացնել իրենց կարիերան: Սա պայմանավորված է ոչ միայն ֆինանսական և կարիերայի աճ ունենալու ձգտումով, այլև կյանքի որակը բարելավելու ցանկությամբ: Այս միտումն այսօր նկատվում է ամենուր՝ այդ թվում նաև Հայաստանում, որտեղ բազմաթիվ երիտասարդներ փոխում են բնակության վայրը՝ կարիերայի աճ ունենալու և կյանքի որակը բարելավելու նպատակով: Որպես բանկային և ֆինանսական ծառայություններ մատուցող ամենամեծ միջազգային կազմակերպություն, որը ձգտում է աջակցել մարդկանց հույսերի և նպատակների իրականացման գործում, HSBC-ն միանգամայն բավարարում է այն հաճախորդների ֆինանսական կարիքները, ովքեր որոշում են տեղափոխվել արտերկիրե:
Հայաստանի ազգային վիճակագրական ծառայության տվյալների համաձայն՝
2018թ.-ին Հայաստանում կացության կարգավիճակ է ստացել 7145 օտարերկրացի, որոնց մեծ մասը Հնդկաստանի, Ռուսաստանի Դաշնության և Իրանի քաղաքացիներ են՝ 1907, 1135 և 1130 համապատասխանաբար: 7145 օտարերկրացիներից 1710-ը ստացել է մշտական կացության կարգավիճակ, իսկ 5435-ը՝ ժամանակավոր: Մշտական կացության կարգավիճակ ստացած օտարերկրյա քաղաքացիների մեծ մասը ԱՊՀ և ԵՄ անդամ երկրներից էին՝ 1067 և 67 համապատասխանաբար:
Հետազոտությանը մասնակցել են արտերկրում ապրող և տասնութը լրացած անձինք: Այն արտացոլում է 18,059 օտարերկրացի աշխատողների կարծիքը 163 երկրներից և տարածաշրջաններից, ովքեր մասնակցել են 2019թ.-ի փետրվարին և մարտին HSBC Expat-ի պատվերով և YouGov-ի կողմից իրականացված առցանց հարցմանը։ Տվյալ երկրից կամ տարածաշրջանից առնվազն 100 արտերկրացի աշխատողի մասնակցությունն անհրաժեշտ է հետազոտությանը մասնակցելու համար։ Հետազոտության համար հիմք է ծառայել 33 երկրի տվյալների վերլուծությունը։
Նշենք,ո ր HSBC Holdings plc-ը՝ HSBC Խմբի ընկերության գլխամասը, գտնվում է Լոնդոնում: Խումբը ծառայություններ է տրամադրում ավելի քան 39 մլն հաճախորդի 66 երկրներում և տարածաշրջաններում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր և հզոր ֆինանսական կառույցներից մեկը, որի ակտիվները 2019թ.-ի մարտի 31-ի դրությամբ կազմել են 2,66 միլիարդ ԱՄՆ դոլար: HSBC-ն առաջարկում է բանկային ծառայություններ անհատներին, ինչպես նաև կորպորատիվ և ինստիտուցիոնալ հաճախորդներին:
«Էյչ-Էս-Բի-Սի Բանկ Հայաստանե ՓԲԸ-ը հիմնադրվել է 1996թ-ին։ Բանկը համատեղ ձեռնարկություն է, որի 70%-ը պատկանում է HSBC Խմբին, իսկ 30%-ը` արտերկրի հայ գործարարի: Էյչ-Էս-Բի-Սի Հայաստանը սպասարկում է շուրջ 30 000 հաճախորդի Երևան քաղաքում գտնվող իր 8 գրասենյակների և մոտ 392 աշխատակիցների միջոցով: 2018թ-ի դեկտեմբերի 31-ի դրությամբ բանկի ակտիվները կազմել են 268 միլիարդ ՀՀ դրամ ներառյալ Էյչ-Էս-Բի-Սի Բանկ Փի-Էլ-Սի Լոնդոնի կողմից Բանկի միջնորդությամբ տրամադրված վարկերը:
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
