Արմինֆո. Լատվիայում ՀՀ դեսպան Տիգրան Մկրտչյանը (նստավայրը՝ Վիլնյուս) մի շարք հանդիպումներ է ունեցել Լատվիայի գործադիր և օրենսդիր իշխանության մարմինների ներկայացուցիչների հետ:
Լատվիայի արտաքին գործերի նախարարությունում դեսպան Մկրտչյանը հանդիպել է ԱԳՆ պետքարտուղար Անդրիս Պելշի հետ: Հանդիպման ընթացքում դեսպանը շնորհավորել է պարոն Պելշին այդ պաշտոնում նշանակվելու կապակցությամբ՝ իր երախտագիտությունը հայտնելով ՀՀ-ԵՄ ՀԸԳՀ վավերացման գործընթացքում Լատվիայի ԱԳՆ ցուցաբերած աջակցության համար:
Անդրիս Պելշը, շնորհավորելով դեսպանին ՀՀ Անկախության 27-ամյակի կապակցությամբ, նշել է, որ իրենք շատ բարձր են գնահատում հենց սեպտեմբերի 21-ին Ռիգայում անկախության միջոցառում անցկանցելու գաղափարը, և խոստացել ներդնել բոլոր հնարավոր ջանքերը երկու երկրների միջև հարաբերությունները խորացնելու և զարգացնելու համար:
Անդրադառնալով երկկողմ տնտեսական հարաբերությունների խթանման անհրաժեշտությանը՝ դեսպան Մկրտչյանը ընդգծել է 2019թ. առաջին կեսին հայ-լատվիական միջկառավարական հանձնաժողովի նիստն անցկացնելու անհրաժեշտությունը՝ հավելելով, որ ստորագրման ենթակա բոլոր պայմանագրերը և նախապատրաստական աշխատանքներն արդեն ավարտված են: Այս համատեքստում անդրադարձ է եղել նաև «Էյր Բալթիկե ավիաընկերության կողմից Ռիգա-Երևան կանոնավոր չվերթների վերաբացման անհրաժեշտությանը, ինչը կարող է երկու երկրների միջև առևտրաշրջանառության և զբոսաշրջության աճի համար աննախադեպ առաջընթացի հիմք դառնալ: Լատվիայի ԱԳՆ գլխավոր քարտուղարը խոստացել է ուշադրության կենտրոնում պահել քննարկված հարցրեը և աջակցել դրանց իրականացմանը:
Հանդիպման ընթացքում քննարկվել են տարածաշրջանային և միջազգային հետաքրքրություն ներկայացնող հարցեր, անդրադարձ է կատարվել երկու երկրներում տեղի ունեցող ներքաղաքական զարգացումներին:
Լատվիայի արտաքին գործերի նախարարությունում Տիգրան Մկրտչյանը հանդիպել է նաև ԱԳՆ երկկողմ հարաբերությունների վարչության պետ, դեսպան Իլգվարս Կլյավային: Հանդիպման ընթացքում Իլգվարս Կլյավան դեսպան Մկրտչյանին ներկայացրել է Լատվիայում հոկտեմբերի 6-ին կայանալիք պառլամենտական ընտրությունների նախապատրաստական ընթացքը և ուժերի դասավորությունը:
Տիգրան Մկրտչյանն իր հերթին անդրադարձ է կատարել Երևանի ավագանու ընտրություններին, նոր կառավարության կողմից իրականացվող փոփոխություններին: Կողմերը կարևորել են երկու գերատեսչությունների միջև քաղաքական խորհրդակցությունների անցկացման շարունակականութունը, քննարկվել է առաջիկայում երկու երկրների մակարդակով բարձրաստիճան արցելությունների կազմակերպելու հնարավորությունը:
Լատվիայի արտքին գործերի նախարարությունում տեղի ունեցած հանդիպումների ժամանակ դեսպան Մկրտչյանը բարձրաձայնել է նաև վերջին օրերին ադրբեջանական զինված ուժերի կողմից իրականացվող սադրանքները՝ նշելով, որ հայ-ադրբեջանական պետական սահմանի մի շարք ուղղություններով պաշտոնական Բաքուն թիրախավորում է քաղաքացիական բնակչությանը և շինությունները, ինչի հետևանքով եղել են վիրավորվածներ և կորուստներ: Դեսպանն ընդգծել է ԼՂ հակամարտությանն անդրադառնալիս պաշտոնական հայտարարություններում ԵԱՀԿ Մինսկի խմբի համանախագահների կողմից հաստատված և ՀՀ-ԵՄ փաստաթղթում ամրագրված ձևակերպումների կիրառման անհրաժեշտությունը:
Լատվիայի Սեյմում դեսպան Մկրտչյանը հանդիպում է ունեցել երկրի խորհրդարանի արտաքին հարաբերությունների հանձնաժողովի նախագահ Օյարս Կալնինչի հետ: Օյարս Կալնինչը մանրամասներ է ներկայացրել առաջիկա խորհրդարանական ընտրություններից և անդրադարձել քարոզարշավի ընթացքին: Կողմերը երկուստեք շեշտել են խորհրդարանական դիվանագիտության կարևորությունը Հայաստանի և Լատվիայի միջև բազմաոլորտ հարաբերությունների խթանման տեսանկյունից, անդրադարձել երկու երկրներում տեղի ունեցող ներքաղաքական զարգացումներին և տարածաշրջնայաին ու միջազգային հետաքրքրություն ներկայացնող մի շարք հարցերի:
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
