Արմինֆո. Օգոստոսի 29-ին ՀՀ բնապահպանության նախարար Արծվիկ Մինասյանը հանդիպում է ունեցել ՀՀ-ում ԱՄՆ դեսպան Ռիչարդ Միլզի հետ: Հանդիպմանը մասնակցել են ԱՄՆ դեսպանատան տնտեսական և առևտրային, բնապահպանական հարցերով պատասխանատուները, ՀՀ բնապահպանության և արտաքին գործերի նախարարությունների համապատասխան ստորաբաժանումների ղեկավարները:
Ողջունելով հյուրերին՝ նախարար Մինասյանը շնորհակալություն է հայտնել ԱՄՆ կառավարությանն ու ՀՀ–ում ԱՄՆ դեսպանությանը բնապահպանական խնդիրների լուծման գործում շարունակական օժանդակության և մեծածավալ աջակցության համար: Արծվիկ Մինասյանը ներկայացրել է վերջին շրջանում անտառային հրդեհների հետ կապված իրավիճակը, անդրադարձել ամենօրյա ձեռնարկվող ու կանխարգելիչ նախատեսվող միջոցառումներին, մանրամասնությամբ ներկայացրել նախարարությունում բարեփոխումների իրականացման ընթացքը: «Մեկ անգամ ևս արձանագրենք ԱՄՆ կառավարության և Ամերիկայի ողջ ժողովրդի աջակցությունը մեր երկրի բնապահպանության ոլորտում: Որպես ոլորտի պատասխանատու, ես բարձր եմ գնահատում այն օժանդակությունը, որ այս տարիների ընթացքում ցուցաբերվել է մեր երկրին: Այդ աջակցության շնորհիվ է, որ մենք բազմաթիվ ուղղություններով ունենք առաջընթաց: Պարոն դեսպանի հետ մեր նախորդ հանդիպումներում մենք բազմիցս շեշտել ենք, որ մեր երկրի առաջ ծառացած մի շարք մարտահրավերներ հենց ուղղակիորեն կապված են շրջակա միջավայրի հետե,-նշել է Արծվիկ Մինասյանը: Կարևորելով միջազգային հանրության մասնակցությունը «Խոսրովի անտառե պետական արգելոցի պահպանության գործում՝ նախարարը հատկանշել է ԱՄՆ կառավարության օժանդակությունն այրված անտառային տարածքների վերականգնման և անտառային հրդեհների դեմ պայքարի հարցում: Կարևորվել է բարձր որակի արբանյակային լուսանկարների, արագ արձագանքման թիմերի ստեղծման, հրդեհների կանխարգելման եղանակների, փորձագիտական խորհրդատվությունների անհրաժեշտությունը:Նախարարն անդրադարձել է սիրողական որսի սահմանափակումներին, կարևորել «Խոսրովի անտառե պետական արգելոցի պահպանությունը որպես կենդանական աշխարհի էկոմիջանցքի, ինչի տարածաշրջանային նշանակությունը շատ մեծ է: ԱՄՆ դեսպանին ներկայացվել է նաև նախարարությունում բարեփոխումների ընթացքը, Արծվիկ Մինասյանը նշել է, որ, որդեգրել են բնապահպանական հիմնախնդիրների լուծման էկոհամակարգային մոտեցումը, խոսել բնապահպանության ոլորտում էլեկտրոնային կառավարման, թույլտվությունները և լիցենզիաները մեկ պատուհանի միջոցով և էլեկտրոնային եղանակով տրամադրելու սկզբունքի կիրառման, ընթացակարգերի պարզեցման և թափանցիկության մասին, կարևորելով իրականացվող բարեփոխումների շուրջ հանրության վստահությունը:
Դեսպան Ռիչարդ Միլզը շնորհակալություն է հայտնել բավականին ամփոփ տեղեկատվության համար, ողջունել իրականացվող բարեփոխումները ու հասարակության վստահության մեծացմանն ուղղված քայլերը որպես կառավարման արդյունավետությանն ուղղված շատ կարևոր գործոն: Անդրադառնալով անտառային հրդեհներին՝ դեսպանն, իր հերթին, շնորհակալություն է հայտնել բնապահպանության նախարարությանը, այլ գերատեսչությունների բոլոր աշխատակիցներին, որոնք մասնակցել են հրդեհաշիջման աշխատանքներին, տեղեկացրել, որ ռուսաստանցի գործընկերոջն իր երախտիքի խոսքն է փոխանցել «Խոսրովի անտառե պետական արգելոցի հրդեհի մարման գործում ռուս օդաչուների կատարած աշխատանքի համար: Դեսպանը տեղեկացրել է հաջորդ շաբաթ Հայաստան ժամանող ԱՄՆ անտառային ծառայության «Այրված տարածքների արտակարգ իրավիճակների վերականգնմանե թիմի այցի մասին, որը համապատասխան օժանդակություն կցուցաբերի նախարարության և արգելոցի աշխատակիցներին:
Պայմանավորվածություն է ձեռք բերվել նաև ԲՀՊՏ-ի հրդեհների կանխարգելման կարողությունների հզորացման նպատակով նոյեմբեր ամսվա ընթացքում ևս մեկ փորձագիտական խումբ հրավիրելու մասին: «Խոսրովի աղետալի հրդեհից հետո ԱՄՆ դեսպանությունը ՀՀ կառավարության և ժողովրդի կողքին է: Անտառային հրդեհները Միացյալ Նահանգներում, Հայաստանում, թե այլուր սպառնալիք են շրջակա միջավայրի,բնակավայրերի ու համայնքների համար:Միացյալ Նահանգները հպարտ է , որ համագործակցում և աջակցում է Հայաստանին հրդեհի հետևանքների վերացման ու նմանատիպ բնական աղետների հետ կապված պլանավորման աշխատանքների շուրջ: Բնապահպանության նախարարության հետ մենք նաև շարունակաբար աշխատում ենք բնապահպանական հարցրեի ու ջրային ռեսուրսների արդյունավետ կառավարման հարցերի շուրջե,- իր խոսքում նշել է դեսպան Միլզը:
Հանդիպման ավարտին կողմերը խոսել են նախարարության կարողությունների հզորացման, ջրային ռեսուրսների արդյունավետ կառավարման հարցերի, մասնավորապես, USAID-ի կողմից ֆինանսավորվող ծրագրերի մասին: Դեսպանը առանձնահատուկ ուշադրությանն է դարձրել նախարարի ներկայացրած բնություն-արտաքին պարտք մեխանիզմին: Հանդիպման ավարտին կողմերը վերահաստատել են համագործակցության ընդլայնման պատրաստակամությունը:
Արմինֆո. ՀՀ բնապահպանության նախարարության բնության հատուկ պահպանվող տարածքները գտնվում են խիստ հսկողության տակ:
Արմինֆո. «Հանուն կայուն մարդկային զարգացման» ասոցիացիայի ղեկավար, բնապահպան Կարինե Դանիելյանը կասկածում է «Նաիրիտ» քիմիական գործարանի տարածքում այրվող նյութի անվտանգությանը: «Դժվար է հավատալ, որ այրվող նյութում ոչ մի վտանգավոր նյութ չկա», - ԱրմԻնֆո-ի թղթկցին հայտարարել է բնապահպանը:
Արմինֆո.Հերթական անտառային հրդեհը Հայաստանում. երեկվանից այրվում է Սյունիքի մարզում գտնվող «Խուստուփ» արգելավայրը:
Արմինֆո. Հայաստանի ԱԻՆ-ը Խոսրովի անտառում հրդեհաշիջման աշխատանքներին օգնության վերաբերյալ հարցման առնչությամբ չի ուշացել և գործել է իրավիճակին համարժեք: Այդ մասին հայտարարել է ԱԻ նախարար Դավիթ Տոնոյանը օգոստոսի 24-ի ճեպազրույցում, պատասխանելով այն հարցին, թե ինչու ռուսաստանցի գործընկերները հրդեհաշիջման աշխատանքներում ներգրավվեցին երրորդ օրը միայն:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
