Արմինֆո.Գագիկ Ծառուկյանի "Բարգավաճ Հայաստան" կուսակցությունը, Երևանի նախկին քաղաքապետ Հայկ Մարությանի "Նոր ուժ" կուսակցությունը և երկրորդ նախագահ Ռոբերտ Քոչարյանի "Հայաստան" դաշինքը դիմում են ներկայացրել Սահմանադրական դատարան՝ հունիսի 7-ին կայացած խորհրդարանական ընտրությունների արդյունքներն անվավեր ճանաչելու պահանջով:
Ինչպես դատարանի դիմաց լրագրողների հետ զրույցում հաղորդել է ԲՀԿ-ն ներկայացնող փաստաբան Արամ Օրբելյանը, այն, ինչ տեղի ունեցավ կուսակցության հետ երեք տեղամասերի ձայների չեղարկումից հետո, առաջին անգամ է տեղի ունենում: "Ակնկալում ենք որոշում, որ կուսակցությունը հավաքել է ձայների անհրաժեշտ 4 տոկոսը և, նույնիսկ, ավելին ։ Մեր դիմումով պահանջել ենք անվավեր ճանաչել խորհրդարանական ընտրությունների արդյունքները։ Արդյունքները անվավեր ճանաչելու դեպքում պահանջում ենք կրկնակի քվեարկություն անցկացնել Հայաստանի ողջ տարածքում ՝ պահպանելով իրավունքի գերակայության սկզբունքը", - նշել է փաստաբանը։
Որպես այդ որոշման այլընտրանք, Օրբելյանի խոսքով, իրենք ակնկալում են մանդատների բաշխման այլ կարգի ընդունում, որով ԲՀԿ-ն կանցնի խորհրդարան: Փաստաբանը վստահեցրել է, որ իրենց նպատակը ոչ թե խորհրդարան անցնելն է, այլ արդարությունը վերականգնելը։ "Երբ տեղի են ունենում խախտումներ, որոնք խոչընդոտում են ժողովրդի կամքի կատարմանը, իսկ մենք խոսում ենք հենց այդ դեպքի մասին, ճիշտ որոշում կլինի կրկնակի քվեարկություն անցկացնել։ Բայց մենք խոսում ենք ոչ թե մեխանիկական գործողության, այլ իրավունքի գերակայության և համապատասխան սկզբունքների ապահովման մասին։ Ուստի դատարանից ակնկալում ենք ոչ միայն ինչ-որ որոշման ընդունում, այլև՝ խախտումների արձանագրում։ Միայն դա մեզ թույլ կտա ապագայում թույլ չտալ նման իրավիճակներ։ Իհարկե, մենք ոչ մի բանում վստահ չենք։ Բայց մենք պետք է հնարավոր ամեն բան անենք", - ընդգծել է փաստաբանը։
"Հայաստան" դաշինքը ներկայացնող փաստաբան Հովհաննես Խուդոյանն, իր հերթին, նշել է, որ իրենց դիմումով ներկայացրել են հանգամանքներ, որոնք ապացուցում են, որ ընտրություններն արդար և թափանցիկ չեն եղել, ինչի առնչությամբ պահանջում են անվավեր ճանաչել դրանց արդյունքները: "Որևէ այլ պահանջ մենք չենք ներկայացրել, քանի որ կարծում ենք, որ մեր դիմումում նշված խախտումներն այնքան ծավալուն և համակարգային են եղել, որ որևէ այլ լուծում չեն ենթադրում։ Դրանում մենք ուշադրություն ենք հրավիրել իրավապահ մարմինների կողմից քարոզչության դեպքերի վրա, որոնք ազդեցություն են ունեցել ընտրությունների ողջ գործընթացի վրա։ Օրինակ, նրանք հրապարակում էին հայտարարություններ, որոնք պարունակում էին քաղաքական ուժերի անուններ, և հրապարակում էին գաղտնալսման դրվագներ, որոնք իրավական նշանակություն չէին ներկայացնում ։ Բացի այդ, մատնանշել ենք "Քաղաքացիական պայմանագիր" կուսակցության ֆինանսական հաշվետվողականության խնդիրները, ինչպես նաև պետական բյուջեի հաշվին մի շարք միջոցառումների իրականացումը: Եվ, մենք նշել ենք ընտրողների թվի և ընտրատեղամասերում նրանց թողած ստորագրությունների անհամապատասխանությունը", - պատմել է Խուդոյանը։
Ընտրությունների արդյունքներն անվավեր ճանաչելու մասին համապատասխան դիմում է ներկայացրել նաև Երևանի նախկին քաղաքապետ Հայկ Մարությանի "Նոր ուժ" կուսակցությունը: Քաղաքական ուժի անունից հայտարարություն է արել կուսակցության ներկայացուցիչ Հակոբ Կարապետյանը, ով մատնանշել է ընտրությունների ընթացքում բազմաթիվ խախտումներ, որոնք կասկածի տակ են դնում ձևավորվող իշխանության լեգիտիմությունը: Այսօր ավելի վաղ դիմումներ էին ներկայացրել նաև Սամվել Կարապետյանի "Ուժեղ Հայաստան" դաշինքը և Արման Թաթոյանի "Միասնության թևեր" կուսակցությունը: Նրանք բոլորը Սահմանադրական դատարանից պահանջում են անվավեր ճանաչել խորհրդարանական ընտրությունների արդյունքները։
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
