Արմինֆո. Հայաստանում համընդհանուր ընտրությունների արդյունքներն ազդարարում են քաղաքական գծի լայն հաջորդականության մասին, ինչը, հնարավոր է, կամրապնդի երկրի արեւմտամետ աշխարհաքաղաքական հետագիծը եւ, հավանաբար, կաջակցի հետագա առաջընթացին հայ-ադրբեջանական խաղաղ գործընթացում: '
Այդ մասին նշվում է Fitch Ratings-ի հաղորդագրության մեջ, որում ընդգծվում է, որ Ռուսաստանից և նրա էներգառեսուրսներից երկրի կախվածության բարձր աստիճանը զգալի խոցելիություն է մնում տնտեսության համար:
Ընտրությունների նախնական արդյունքները ցույց տվեցին, որ վարչապետ Նիկոլ Փաշինյանի իշխող "Քաղաքացիական պայմանագիր" կուսակցությունը հավաքում է ձայների 49,8%-ը, ինչն ավելի քան երկու անգամ գերազանցում է երկրորդ տեղը զբաղեցրած "Ուժեղ Հայաստան" դաշինքի արդյունքը: Դա կարող է "Քաղաքացիական պայմանագրին" տալ Ազգային ժողովի նոր կազմում 105 տեղերից 64-ը, թեեւ մանդատների վերջնական բաշխումը կախված կլինի արդյունքների հաստատումից եւ այն բանից, թե արդյոք ամենափոքր ընդդիմադիր կուսակցությունը կհաղթահարի խորհրդարան անցնելու 4 տոկոսի շեմը:
"Քաղաքացիական պայմանագիր" կուսակցության պարզ, թեկուզ փոքր մեծամասնությունը (խորհրդարանի նախորդ կազմում այն ուներ 75 տեղ) պետք է ապահովի քաղաքական գծի հաաաջորդականությունը։ Փաշինյանը հայտարարել է, որ, արդյունքում, Հայաստանը "կշարունակի Արևմուտքի հետ մերձեցման գիծը", միաժամանակ զարգացնելով հարաբերությունները Ռուսաստանի հետ, առաջնահերթ ուշադրություն դարձնելով Ադրբեջանի հետ խաղաղության գործընթացին և Թուրքիայի հետ հարաբերությունների կարգավորմանը:
Սակայն "Քաղաքացիական պայմանագիրը" չի ստանա ձայների երկու երրորդ մեծամասնություն, որն անհրաժեշտ է խորհրդարանում ՀՀ սահմանադրության մեջ միակողմանի փոփոխություններ կատարելու համար: Սահմանադրությունից Լեռնային Ղարաբաղի մասին հիշատակումների բացառումը, որն Ադրբեջանի առանցքային պայմանն է խաղաղության պայմանագրի կնքման համար, մնում է հարցականի տակ, քանի որ դա կպահանջի հավանություն համաժողովրդական հանրաքվեում, որը, ինչպես ավելի վաղ նշել էր Փաշինյանը, կարող է տեղի ունենալ 2027 թվականին:
Հայաստանը կարող է օգուտ քաղել խաղաղության գործընթացից եւ Թուրքիայի հետ հարաբերությունների հնարավոր կարգավորումից, այդ թվում ՝ ցամաքային սահմանի բացումից։ Այս գործընթացը սկսվել է 2025թ. օգոստոսի շրջանակային համաձայնագրով և շարունակվել ս.թ. հունիսի 4-ին ստորագրված TRIPP համաձայնագրով, որը կօգնի Հայաստանի արգելափակված տնտեսությունն ինտեգրել Կենտրոնական Ասիան, Հարավային Կովկասը, Թուրքիան և Եվրոպան կապող միջանցքում:
Այս վերակողմնորոշումը կարող է ճանապարհ բացել առևտրից և տարանցումից զգալի եկամուտների համար, ինչպես նաև ամրապնդել աճի միջնաժամկետ հեռանկարները: 2026 թվականի առաջին եռամսյակում Հայաստանի ՀՆԱ աճը դանդաղել է, մասամբ, ԱՄՆ-Իրան հակամարտության ազդեցության պատճառով, սակայն մնացել է կայուն տարեկան 4% մակարդակում (2025 թվականի առաջին եռամսյակի 5,2% - ի դիմաց - խմբ.)՝ 2025 թվականի 7,1% աճից հետո։ Գնաճը ապրիլին աճել է մինչև 5,3%, որից հետո մայիսին նվազել է մինչև 4,2%, ինչը ցույց է տալիս գնային ճնշման ընդհանուր զսպելիությունը:
Տնտեսական ռիսկերն առնչվում են Ռուսաստանի հետ Հայաստանի սերտ կապերին, որը շարունակում է մնալ նրա խոշորագույն հատուկ առևտրային գործընկերը, որին 2025 թվականին բաժին է ընկել ապրանքների ընդհանուր արտահանման 35%-ը։ Ռուսաստանը ընտրությունների նախաշեմին արդեն սահմանափակումներ է մտցրել հայկական սննդամթերքի առանձին տեսակների ներմուծման նկատմամբ և պաշտոնապես սպառնացել է դադարեցնել Հայաստանի կողմից ռուսական նավթի, գազի և չմշակված ալմաստների գնումները առանց արտահանման տուրքերի և խիստ արտոնյալ պայմաններով, եթե երկիրը շարունակի իր ճանապարհը դեպի ԵՄ անդամակցության գործընթաց: Բնական գազն ապահովում է Հայաստանի էներգետիկ կարիքների 61%-ը, իսկ երկիր բնական գազի ներմուծման 85-90%-ըստացվում է Ռուսաստանից՝ ֆիքսված գնով երկարաժամկետ պայմանագրով: Արտոնյալ համաձայնագրի միակողմանի չեղարկումը կարող է էապես մեծացնել էլեկտրաէներգիայի ծախսերը և բացասաբար ազդել մակրոտնտեսական ցուցանիշների, ինչպես նաև ֆիսկալ և արտաքին հաշվեկշիռների վրա:
Ս. թ. հունվարին Fitch գործակալությունը նշել է խաղաղության գործընթացի շուրջ պահպանվող անորոշությունը, երբ Հայաստանի վարկանիշի կանխատեսումը փոխել էր «դրականի»և հաստատել սուվերեն վարկանիշը «BB-» մակարդակում: Կանխատեսման փոփոխությունն արտացոլել է Հայաստանի միջազգային պահուստների աճը և շարունակվող վստահ աճը, որը կաջակցի միջնաժամկետ հեռանկարում պարտքի կայունացմանը համապատասխանող ֆիսկալ կոնսոլիդացմանը: Fitch գործակալության կողմից Հայաստանի սուվերեն վարկանիշի հաջորդ պլանային վերանայումը նշանակված է ս.թ. հուլիսի 10-ին. "Այն կներառի աշխարհաքաղաքական ռիսկերի հավասարակշռության մեր գնահատականը, որը կարտացոլի խաղաղության գործընթացի հաջող ավարտի հեռանկարները և առաջընթացը Արևմուտքի հետ ավելի սերտ ինտեգրման ճանապարհին, միաժամանակ, հաշվի առնելով Ռուսաստանի հետ հարաբերություններին առնչվող ռիսկերը":
Նույն հաղորդագրության մեջ Fitch-ը ներկայացնում է Հայաստանի սուվերեն վարկանիշի զգայունության չափանիշները, որոնք կախված են գործոնների այնպիսի խմբերից, ինչպիսիք են կառուցվածքային գործոնները, պետական ֆինանսները, արտաքին ֆինանսները, մակրոտնտեսությունը:
Որպես դրական ազդակներ (բարձրացման) դիտարկվում են. կառուցվածքային գործոնների գծով ՝ աշխարհաքաղաքական ռիսկերի եւ ներքին քաղաքական անորոշության կայուն նվազումը (օրինակ ՝ առաջընթացը Ադրբեջանի հետ խաղաղության գործընթացում); պետական ֆինանսների գծով՝ ֆիսկալ կոնսոլիդացումը, որն ապահովում է ՀՆԱ-ի նկատմամբ պետական պարտքի հարաբերակցության կայունացումը՝ դրա արժութային կառուցվածքի բարելավման դեպքում; արտաքին ֆինանսների գծով՝ արտաքին խոցելիությունների նվազումը (տարածաշրջանի համար պատմական Fitch-ի ազդագը); եւ մակրոտնտեսության գծով՝ տնտեսական աճի բարձր տեմպերի պահպանմանը, որոնք ապահովում են բնակչության մեկ շնչին բաժին ընկնող ՀՆԱ-ի շարունակական ավելացումը:
Իսկ որպես բացասական ազդակներ (դեպի նվազում) դիտարկվում են. կառուցվածքային գործոնների գծով՝ աշխարհաքաղաքական ռիսկերը մեծացնող եւ քաղաքական ու տնտեսական կայունությունը խաթարող իրադարձությունները, օրինակ, Ադրբեջանի հետ ընթացիկ խաղաղության գործընթացի խափանումը; պետական ֆինանսների գծով՝ մակրոտնտեսական կամ կարգավորիչ փոփոխությունները, որոնք վատթարացնում են ՀՆԱ - ի նկատմամբ պետական պարտքի հարաբերակցության հետագիծը դեպի դրա արագացված աճը; եւ արտաքին ֆինանսների գծով՝ դրանց նվազմամբ արտարժութային պահուստների կուտակման միտման փոփոխությունը, ինչը մեծացնում է արտաքին ցնցումների նկատմամբ խոցելիությունը։
Հիշեցնենք, որ Fitch Ratings-ը 2026 թվականի հունվարին, Հայաստանի երկրի վարկանիշի կանխատեսումը կայունից դրականի վերանայման հետ միաժամանակ (վարկանիշի հաստատմամբ «BB-» մակարդակում), 2026-2027թթ.համար կանխատեսել էր երկրի տնտեսության ավելի քան 5% աճի կայուն հեռանկարներ:
Քաղաքագետ. Ո՞վ է զոհաբերում Հայաստանի Ազգային անվտանգության ծառայության հեղինակությունը և ինչո՞ւ
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
