Արմինֆո. Իրանի Իսլամական Հանրապետությունը շարունակում է կասկածով վերաբերվել Հարավային Կովկասում ԱՄՆ-ի թշնամական մտադրություններին և կրկին ընդգծել է, որ Թեհրանը վճռականորեն դեմ է տարածաշրջանում Վաշինգտոնի ապակայունացնող ներկայությանը: Այդ մասին ISNA լրատվական գործակալության հետ հարցազրույցում հայտարարել է Իրանի արտաքին գործերի նախարարության պաշտոնական ներկայացուցիչ Էսմայիլ Բաղեին:
Խոսելով Կովկասում տեղի ունեցող վերջին իրադարձությունների եւ ԱՄՆ-ի աջակցությամբ վերջերս ներկայացված տարանցման նախաձեռնության մասին, որը հայտնի է որպես TRIPP ("Թրամփի ուղի հանուն միջազգային խաղաղության եւ բարգավաճման") նախագիծ, Բաղեին ընդգծել է, որ Իրանի դիրքորոշումը Հարավային Կովկասում անվտանգության հարցերի վերաբերյալ մնում է հստակ, հետեւողական եւ ոչ երկիմաստ:
"Իրանի իսլամական Հանրապետությունը ողջունում է տնտեսական փոխգործակցության ընդլայնումը եւ տարանցիկ ուղիների ապաշրջափակումը. Սակայն, Թեհրանը մեծ կասկածանքով է վերաբերվում Միացյալ Նահանգների չարամիտ մտադրություններին, որոնց հետեւում ձգվում է աշխարհի տարբեր տարածաշրջաններում դաժանության ու ագրեսիայի հետագիծը: Մենք բացահայտ հայտարարում ենք նման ապակայունացնող ներկայություն անընդունելիության մասին", - հայտարարել է Բաղեին։
Մամուլի քարտուղարը նաև ընդգծել է, որ Հարավային Կովկասը Իրանի անմիջական հարևանն է, և նշել, որ Թեհրանն այս տարածաշրջանում խաղաղությունը, կայունությունը և տնտեսական առաջընթացը համարում է ուղղակիորեն կապված իր ազգային շահերի հետ:
Բաղեին հավելել է, որ անդրտարածաշրջանային տերությունների ապակառուցողական միջամտությունը Կովկասի գործերին լուրջ մարտահրավեր է ներկայացնում տարածաշրջանի հավաքական շահերին, խաղաղությանն ու կայունությանը եւ "բացարձակապես ոչ մի օգուտ" չի բերում տեղի բնակչությանը:
Հայաստանն ու ԱՄՆ-ը՝ մայիսի 26-ին պետքարտուղար Մարկո Ռուբիոյի Երեւան կատարած այցի շրջանակներում ստորագրել են երկկողմ համագործակցության զարգացմանն ուղղված երեք փաստաթուղթ․ Հայաստանի Հանրապետության և Ամերիկայի Միացյալ Նահանգների միջև համապարփակ ռազմավարական գործընկերության կանոնադրությունը, Հայաստանի Հանրապետության և Ամերիկայի Միացյալ Նահանգների միջև կարևորագույն հանքանյութերի և հազվագյուտ հանածոների արդյունահանման և մշակման ոլորտում մատակարարման ապահովման շրջանակային հուշագիր, նաեւ նախաստորագրել են «Հայաստանի Հանրապետության և Ամերիկայի Միացյալ Նահանգների միջև «Թրամփի ուղի՝ հանուն միջազգային խաղաղության և բարգավաճման» նախագծի (ԹՐԻՓՓ) վերաբերյալ ռազմավարական համագործակցության մասին շրջանակային համաձայնագիր։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Փորձագետ. Փաշինյանի վերջը կգա, եթե ընտրողների մեծամասնությունը գնա ընտրատեղամասեր
Օվերչուկը Հայաստանին կոչ է արել կողմնորոշվել, թե «ինչ մուրաբա է եփելու»
Ռուսաստանում կրկին զգուշացրել են Հայաստանին ուկրաինական ուղով գնալուց
Քոչարյան. «Մենք ընտրություններին գնում ենք ոչ միայն մեր ձեռքբերումների փորձով, այլև թույլ տրված սխալների գիտակցմամբ»
Եվրոպան համերաշխություն է հայտնում Հայաստանին Ռուսաստանի կողմից սահմանված տնտեսական պատժամիջոցների կապակցությամբ. եվրահանձնակատար
Ուրսուլա ֆոն դեր Լայեն. ԵՄ-ն պատրաստում է աջակցության փաթեթ Հայաստանի համար, որը ներառում է ավելի քան 50 միլիոն եվրոյի անհապաղ ֆինանսական օգնություն
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
Զախարովան Հայաստանին համեմատել է մի ուղևորի հետ, ով ցանկանում է «Ա» կետից հասնել «Գ» կետ
ԵՄ-ն աջակցություն է պատրաստում Հայաստանի համար՝ Ռուսաստանի կողմից սահմանված տնտեսական սահմանափակումների պայմաններում. ԶԼՄ-ներ
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
