Գնացեք ընտրատեղամասեր առանց վարանելու, ձեզանից է կախված՝ պետություն կունենաք, թե՝ ոչ․ Արտակ Զաքարյան

Արմինֆո.  "Գնացեք ընտրատեղամասեր առանց վարանելու, ձեզնից է կախված ՝ պետություն կունենաք, թե ոչ" ։ Նման կոչով Հայաստանի քաղաքացիներին է դիմել Հանրապետական կուսակցության վարչության անդամ Արտակ Զաքարյանը։

Նրա խոսքով՝ 2018 թվականի դեկտեմբերի 9-ի արտահերթ ընտրություններում "Իմ քայլը" դաշինքը ստացել է շուրջ 885 հազար ձայն: Դա ձայնի իրավունք ունեցող քաղաքացիների թվի 34% -ն է։ Ընտրողների մոտ 52%-ը չի մասնակցել ընտրություններին։ 2021 թվականի հունիսի 20-ի արտահերթ ընտրություններում "Քաղաքացիական պայմանագիր" կուսակցությունը ՝ Նիկոլ Փաշինյանի գլխավորությամբ, ստացել է մոտ 688 հազար ձայն կամ ընտրելու իրավունք ունեցող քաղաքացիների թվի 27 տոկոսը։ Ընտրողների մոտ 50%-ը չի մասնակցել ընտրություններին։ Ամենայն հավանականությամբ, 2026 թվականի հունիսի 7-ի ընտրություններում այդ կուսակցությունը զգալիորեն ավելի քիչ ձայն կստանա, քան 2021 թվականին։

«Իսկ նրա լիակատար պարտության և իշխանությունից արագ հեռացման համար կարևոր է բոլոր ընտրողների ակտիվ դիրքորոշումը ։ Եթե 2018 և 2021 թվականներին ընտրողների մասնակցությունը բարձր լիներ,  ՔՊ-ն կստանար ձայների ցածր տոկոս և հնարավորություն չէր ունենա դավաճանաբար հանձնել Արցախը և լրջորեն վտանգել Հայաստանը: Ձայնի իրավունք ունեցող հարգելի քաղաքացիներ, հիշեք, որ ձեզնից յուրաքանչյուրը ճակատագրական որոշում է կայացնելու։ Ընտրությունների չգնալը նույնպես որոշում է, բայց՝ ի վնաս Հայաստանի։ Պետք չէ մեղադրել ՔՊ-ի ընտրողներին կամ երկիրը քանդող իշխանավորներին, եթե դուք ինքներդ չեք գնում ընտրությունների։ Պարզապես, գնացեք և դեմ քվեարկեք ներկայիս կառավարիչների վերարտադրությանը", - գրել է քաղաքական գործիչը ։