Արմինֆո. Հայաստանի իշխանությունները հնարավոր ամեն ինչ անում են Ռուսաստանի հետ հարաբերությունները վատացնելու համար։ Այդ մասին մայիսի 25-ին Վայքում քարոզարշավի ժամանակ հայտարարել է "Հայաստան" դաշինքի առաջնորդ, ՀՀ երկրորդ նախագահ Ռոբերտ Քոչարյանը։
Նրա խոսքով՝ Ռուսաստանն իրենից ներկայացնում է ոչ միայն ուժ, որն ունակ է լուծել անվտանգության խնդիրները, այլև Հայաստանի կարևորագույն տնտեսական գործընկերն է: Միեւնույն ժամանակ, Հայաստանի քաղաքացիների բարեկեցության շուրջ 80 տոկոսը կապված է Ռուսաստանի Դաշնության հետ։
«Այս փաստից հնարավոր չէ փախչել, բայց իշխանությունները հետևողականորեն գործը տանում են Ռուսաստանի հետ հարաբերությունների վատթարացման: Չեմ հիշում, որպեսզի անկախացումից հետո ռուս պաշտոնյաները նման կոշտ հայտարարություններ անեն Հայաստանի հասցեին", - հայտարարել է ՀՀ երկրորդ նախագահը, նշելով, որ դիվանագիտության լեզվից Մոսկվան անցել է ուղիղ ակնարկների, որպեսզի Հայաստանը խելքը գլուխը հավաքվի։ Քոչարյանը նշել է, որ ցանկացած պետության արտաքին քաղաքականությունն, առաջին հերթին, պետք է ուղղված լինի տվյալ պետության շահերի սպասարկմանը՝ լինեն դրանք անվտանգության, թե տնտեսության հարցեր: Արտաքին քաղաքականությունն այլ խնդիր չունի։ Նրա խոսքով ՝ անվտանգության ոլորտում արտաքին քաղաքականություն իրականացնելիս անհրաժեշտ է գնահատել բոլոր ռիսկերը, առաջնահերթություն տալով այն պետություններին, որոնք ավելի կարևոր են: Եթե առկա են անվտանգության ռիսկեր, դրանք պետք է չեզոքացվեն բարեկամ երկրների հնարավորությունների գործարկմամբ ։ Տնտեսական անվտանգության տեսանկյունից երկիրը պետք է գնահատի այս կամ այն երկրների և միությունների հետ համագործակցության առավելությունները՝ զարգացնելով այդ հարաբերությունները ։ Հարյուրամյակներ շարունակ այս տարածաշրջանում իրար հետ մշտապես մրցակցել են Իրանը, Թուրքիան և Ռուսաստանը ։ Ընդ որում, Ռուսաստանը միակ երկիրն է, որը կարող է դիմակայել Թուրքիայի ազդեցությանն այս տարածաշրջանում։ Այս երկրների միջև բալանսավորվելու, Մոսկվայի միջոցով Անկարայի ազդեցությունը զսպելու փոխարեն, քանի որ այդ նպատի համար այլ երկիր չկա, իշխանությունները գնում են հարաբերությունների սրման։
Նշենք, որ ի հաստատումն Քոչարյանի խոսքերի՝ ՀՀ Ազգային ժողովի ընդդիմադիր "Հայաստան" խմբակցության պատգամավոր Գառնիկ Դանիելյանը սոցիալական ցանցերի իր էջից հաղորդել է հայկական ելակի վերադարձման մասին: Նա նշել է, որ հայկական բեռնատարների վարորդներն ու գործարարները հայտնում են, որ Ռուսաստան արտահանվող ելակը հետ են ուղարկել Բագրատաշենի անցակետից:
Նրա խոսքով ՝ բուսասանիտարական ծառայությունն արգելել է արտահանումը ՝ որպես պատճառ նշելով անթույլատրելի նյութի առկայությունը ։ "Հարկ է նշել, որ մինչ այժմ նույն գործարարները նման խնդիրների չէին բախվել, իսկ արտահանվող մրգերն ու բանջարեղենը համապատասխանել են բոլոր նորմերին", - գրել է Գառնիկ Դանիելյանը: Նա նշել է, որ նման որոշումն անակնկալի է բերել գործարարներին, և նախազգուշացրել է արտադրանքի փչացման դեպքում մեծ կորուստների մասին: Պատգամավորի խոսքով ՝ առաջիկայում պետք է սկսվի նաև կեռասի արտահանումը, ընդ որում, արտադրողները մտավախություն ունեն, որ համանման որոշում կարող է կայացվել նաև իրենց արտադրանքի վերաբերյալ: Գառնիկ Դանիելյանը կարծում է, որ տեղի ունեցածը կապված է հայ-ռուսական հարաբերությունների վատթարացման հետ: "Մենք բազմիցս զգուշացրել ենք, որ այն պայմաններում, երբ մեր գյուղմթերքի զգալի մասն իրացվում է ռուսական և ԵԱՏՄ շուկաներում, անթույլատրելի են հարաբերություններին վնաս հասցնող հայտարարություններն ու քայլերը", - նշել է նա:
Պատգամավորը նաև քննադատել է էկոնոմիկայի նախարարին՝ հիշեցնելով իրացման այլընտրանքային շուկաներ գտնելու մասին հայտարարությունները: «Նրանց համար քաղաքականությունը արկածախնդրության դաշտ է: Մինչդեռ, հսկայական վնասներ են կրում մեր գործարարներն ու քաղաքացիները", - հայտարարել է Գառնիկ Դանիելյանը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հունգարիան դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին
Ռուսաստանում ակնկալում են "3+3" հաջորդ հանդիպումն անցկացնել Բաքվում կամ Երևանում
Ռոբերտ Քոչարյան. Ադրբեջանի հետ խաղաղության պայմանագիրը կստորագրվի լրացումներով, որոնցով երաշխավորված կլինի խաղաղությունը
Էդմոն Մարուքյան. 1,7 միլիոն մարդ պետք է գնա ընտրատեղամասեր, այդ դեպքում այս իշխանությունը կջախջախվի
Սամվել Կարապետյան. երկրի իշխանությունները Հայաստանը վերածել են աշխարհաքաղաքական պայքարի կենտրոնի
Փորձագետ. Փաշինյանի վերջը կգա, եթե ընտրողների մեծամասնությունը գնա ընտրատեղամասեր
Օվերչուկը Հայաստանին կոչ է արել կողմնորոշվել, թե «ինչ մուրաբա է եփելու»
Ռուսաստանում կրկին զգուշացրել են Հայաստանին ուկրաինական ուղով գնալուց
Քոչարյան. «Մենք ընտրություններին գնում ենք ոչ միայն մեր ձեռքբերումների փորձով, այլև թույլ տրված սխալների գիտակցմամբ»
Եվրոպան համերաշխություն է հայտնում Հայաստանին Ռուսաստանի կողմից սահմանված տնտեսական պատժամիջոցների կապակցությամբ. եվրահանձնակատար
Ուրսուլա ֆոն դեր Լայեն. ԵՄ-ն պատրաստում է աջակցության փաթեթ Հայաստանի համար, որը ներառում է ավելի քան 50 միլիոն եվրոյի անհապաղ ֆինանսական օգնություն
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
