Փաշինյան․ ՀՀ վարչապետի հասցեին սոցիալական ցանցերում սպառնալիքներ տարածած դիմակավորված անձինք գտնվում են Հայաստանի սահմաններից դուրս

Արմինֆո.ՀՀ վարչապետի հասցեին սոցիալական ցանցերում սպառնալիքներ տարածած դիմակավորված անձինք գտնվում են Հայաստանի սահմաններից դուրս: Այդ մասին մայիսի 22- ն լրագրողներին հաղորդել է վարչապետ Նիկոլ Փաշինյանը։

Նա նշել է, որ իրավապահ մարմինները պարզել են տեսանյութում երևացող անձանց մոտավոր շրջանակը։ Ըստ էության, ինչպես նշել է Փաշինյանը, այդ անձինք 2024 թվականից գտնվում են երկրի սահմաններից դուրս։ Ի դեպ, ինչպես ընդգծել է վարչապետը, տվյալ դեպքում խոսքը վերաբերում է օպերատիվ տեղեկատվությանը, այլ ոչ թե՝ ապացուցված տվյալների։ "Մենք ունենք անուններ և ազգանուններ, և միջոցներ են ձեռնարկվում դրանք պարզելու ուղղությամբ։ Այդ գործողությունների ընթացքում էլ պարզվել է, որ նրանք այլևս Հայաստանի Հանրապետությունում չեն։ Նախկինում նրանք, մեծ հավանականությամբ, կարող էին մեր հետաքրքրության դաշտում լինել նաև այլ գործերով։ Մասնավորապես, հնարավոր է, խոսքը վերաբերում է ապօրինի վարձկան գործունեության հետ կապված անձանց։ Սակայն սա միայն օպերատիվ տեղեկատվություն է",-ասել է վարչապետը։

Ավելի վաղ հրապարակվել էր տեսանյութ, որում դիմակավորված 5 անձինք արցախյան բարբառով դիմում են "Քաղաքացիական պայմանագրի" վարչապետի թեկնածու Նիկոլ Փաշինյանին,  հայտարարելով, որ գիտեն, թե որտեղ է նա և հետևում են նրա տեղաշարժերին: