ՀՀ-ում ԱՄՆ դեսպանատան հայտարարությանն ի պատասխան`ՀՀ-ում Ռուսաստանի Դաշնության դեսպանատունը հանդես է եկել պաշտոնական դիրքորոշմամբ. ՙԴիվանագիտական ներկայացուցչությանը վայել չէ մատնանշել երկրի իշխանություններին, թե ում հետ և ինչպես կապեր պահպանել`հատկապես բառապաշարում  թույլ քողարկված սպառնալիքներ օգտագործելով ինքնիշխան պետության հանդեպ: Կարծում ենք, որ Հայաստանի գործարար շրջանակներն ի վիճակի են ինքնուրույն գլուխ հանել բիզնես վարելու հարցերից և ուրիշի հուշումների կարիքը չունեն՚: Այդ մասին ԱրմԻնֆո-ին հայտնել են ՀՀ-ում ՌԴ դեսպանատանը: 

ՀՀ տրանսպորտի և կապի նախարար  Գագիկ Բեգլարյանի ամենօրյա հսկողության ներքո ինտենսիվ կերպով շարունակվում են հուլիսի 16-ին մեկնարկած Մ-4, Երևան-Սևան-Իջևան-Ադրբեջանի սահման միջպետական նշանակության ավտոճանապարհի հիմնանորոգման աշխատանքները:Բարենպաստ եղանակային պայմանների  դեպքում շինարարական աշխատանքները կավարտվեն օգոստոսի վերջին, տեղեկացնում է  ՀՀ տրանսպորտի և կապի նախարարության լրատվական ծառայությունը:  

Պրն. Կոլարով, կարելի՞ է արդյոք զուգահեռ անցկացնել Բուլղարիայի և Մակեդոնիայի  անցյալի հարաբերությունների և Հայաստանի ու Արցախի ներկայիս հարաբերությունների միջև:

ՀՀ արտգործնախարար Էդվարդ Նալբանդյանն ընդունեց Հարավային Կովկասի հարցերով Եվրամիության նորանշանակ հատուկ ներկայացուցիչ Հերբերտ Զալբերին:

Հայաստանի քաղաքացիների 43,3 տոկոսը պոտենցիալ արտագաղթող է: Ինչպես հուլիսի 31-ին մամուլի ասուլիսում հաղորդել է «Սոցիոմետր» սոցիոլոգիական կենտրնի ղեկավար Ահարոն Ադիբեկյանը, այդ են վկայում հանրապետության 100 բնակավայրերում 4400 չափահասների շրջանում անցկացված սոցհարցման արդյունքները:

Ռուսաստանի նկատմամբ հատվածական պատժամիջոցները, որոնք շոշափում են էներգետիկայի, տեխնոլոգիաների և ֆինանսական շուկայի ոլորտները, Հայաստանի տնտեսության վրա չեն կարող չանդրադառնալ, ԱրմԻնֆո-ի թղթակցի հետ զրույցում այդպիսի կարծիք է հայտնել հայտնի տնտեսագետ, պրոֆեսոր Թաթուլ Մանասերյանը:

Ռուսաստանի նկատմամբ ԱՄՆ հատվածական պատժամիջոցներն այդ թվում հետխորհրդային տարածության որոշակի հատվածում ուժի նոր կենտրոնի`ի դեմս Եվրասիական տնտեսական միության, ձևավորումը թույլ չտալու նպատակ են հետապնդում, ԱրմԻնֆո-ի թղթակցի հետ զրույցում այդպիսի կարծիք է հայտնել հայտնի տնտեսագետ, պրոֆեսոր Թաթուլ Մանասերյանը: Այս համատեքստում նա հիշեցրել է ԱՄՆ նախկին պետքարտուղար Հիլարի Քլինթոնի խոսքերը, ով հայտարարել էր, որ ԱՄՆ-ը թույլ չի տա ԽՍՀՄ-ի վերստեղծումը`իր ցանկացած ձևով: ՙՎստահ եմ, որ Ռուսաստանի նկատմամբ խստացվող տնտեսական և քաղաքական պատժամիջոցները նաև այդ նպատակն են հետապնդում:

Հայաստանում ԱՄՆ դեսպանատունը նամակներ է տարածել հանրապետության գործարարների շրջանում` կոչ անելով ձեռնպահ մնալ ռուսական ընկերությունների հետ համագործակցությունից, քանի որ դա հղի է հեղինակության լրացուցիչ ռիսկերով: Այդ մասին հուլիսի 31-ին լրագրողներին հայտարարել է ՀՀ արդյունաբերողների և գործարարների միության նախագահ Արսեն Ղազարյանը:

Հայաստանը և Ուկրաինան ունեն ընդհանուր երդվյալ «բարեկամ»` ի դեմս Ռուսաստանի: Հուլիսի 31-ին մամուլի ասուլիսում այդպիսի կարծիք է հայտնել ԱԻՄ առաջնորդ Պարույր Հայրիկյանը:

Հայաստան-Եվրամիություն հարաբերություններն ու համագործակցությունն են քննարկել ՀՀ նախագահ Սերժ Սարգսյանն ու Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Հերբերտ Զալբերը, ով Հայաստան է ժամանել տարածաշրջանային այցով: 

 Հակառակորդը կրկին գնդակոծել է Հայաստանի սահմանամերձ գյուղերը:

 ԼՂՀ ԱԳ նախարարության գլխավոր նպատակն Ադրբեջանի եւ Ղարաբաղի միջեւ հակամարտության կարգավորմանը հասնելն է, սակայն բանակցությունների սեղանին կողմերից մեկի (Ստեփանակերտի – խմբ.) բացակայությունը դժվարացնում է իրական առաջընթացի ձեռքբերման գործընթացը: Այդ մասին հայտարարել է ԼՂՀ ԱԳ նախարար Կարեն Միրզոյանը «The European Times» հանդեսում հրապարակված հարցազրույցում:

Երկաթուղայինների օրը՝ օգոստոսի 2-ին, երթևեկությունը «Հարավկովկասյան երկաթուղի» ընկերության ներհանրապետական բոլոր էլեկտրագնացքներում ուղևորների համար կլինի անվճար:  Չնայած մասնագիտական իրենց տոնին՝ Հայաստանի երկաթուղայինները կաշխատեն բնականոն ռեժիմով՝ ապահովելով երկաթուղային համակարգի անխափան աշխատանքը և ուղևորների համար ստեղծելով առավել հարմարավետ պայմաններ:

 Հուլիսի 31-ին հակառակորդը  հարձակում է ձեռնարկել ղարաբաղա-ադրբեջանական հակամարտ զորքերի շփման գծի հյուսիսիային ուղղությամբ տեղակայված զորամասերից մեկի պահպանության տեղամասի մարտական հենակետի ուղղությամբ:

 Եկեղեցիների համաշխարհային խորհուրդը մտադիր է 2015 թվականի ապրիլի 24-ին ճանաչել Հայոց ցեղասպանությունը: Ինչպես հաղորդում է ԱՊԱ-ն, վկայակկոչելով թուրքական ԶԼՄ-ները, այդպիսի հայտարարությամբ հանդես է եկել ASIMDER միջազգային կազմակերպության նախագահ Գյոքսել Գուլբեյը: Նա նշել է, որ Հայոց ցեղասպանության ճանաչման համար աշխարհի եկեղեցիները միավորվել են ընդդեմ Թուրքիայի և, օգտագործելով կրոնը, պատրաստվում են ճնշում գործադրել նրա նկատմամբ: Նրա ասելով, 2015 թվականին նրանք մտադիր են Ժնևում միջազգային կոնֆերանս կազմակերպել Եկեղեցիների միջազգային կազմակերպության, իրավապաշտպանների, իրավաբանների մասնակցությամբ` Թուրքիայից փոխհատուցում պահանջելու նպատակով: ASIMDER նախագահը հայտարարել է, որ Թուրքիայի և Ադրբեջանի     եկեղեցիները նույնպես Եկեղեցիների միջազգային կազմակերպության անդամ են և մասնակցելու են կոնֆերանսին` համապատասխան պետական կառույցներին կոչ անելով նախազգուշացնել կրոնական առաջնորդներին:

 Իրավապաշտպան Լեյլա Յունուսը և նրա ամուսին Արիֆ Յունուսը մեղադրվում են առանձին քաղաքացիների հետ գաղտնի համագործակցության համար` հայկական հատուկ ծառայություների հետ գործողությունների համակարգման նպատակով: Այդ մասին հաղորդում է «Թրենդը»` վկայակոչելով Ադրբեջանի Գլխավոր դատախազությունն ու Ազգային անվտանգության նախարարությունը:

ՀՀ հանրային ծառայությունները կարգավորող հանձնաժողովը նախօրեին կայացած նիստում 15 միլիոն դրամով տուգանել է ՙՀայաստանի էլեկտրական ցանցերին՚ (ՀԷՑ): Մասնավորապես, հանձնաժողովը ՀԷՑ գործունեությունում հայտնաբերել է ՀԾԿՀ կողմից սահմանված մի շարք իրավական ակտերի պահանջների խախտումներ:

“Ռոստելեկոմի” բաժանորդներն այսուհետ կկարողանան վճարումներ կատարել ոչ միայն ակնթարթային համակարգերի միջոցով, այլ նաև առցանց ռեժիմով՝ գտնվելով գրասենյակում կամ բնակարանում, ասվում է ընկերության հաղորդագրության մեջ: 

 Ստեփանակերտի շահերի և կարծիքների համընկնումը Երևանի հետ պարտադիր չէ, և մի շարք դեպքերում դրանք կատարյալ հակադիր բնույթ են կրում, ԱրմԻնֆո-ին այդպիսի կարծիք  է հայտնել ՙԺառանգություն՚ կուսակցության փոխնախագահ Արմեն Մարտիրոսյանը`մեկնաբանելով ԼՂՀ վարչապետ Արա Հարությունյանի վերջին հայտարարությունը: 

ՀՀ Հանրային ծառայությունները կարգավորող հանձնաժողովն այսօր կայացած նիստում 15 միլիոն դրամով տուգանել է ՙՀայաստանի էլեկտրական ցանցերին՚ (ՀԷՑ): Մասնավորապես, հանձնաժողովը ՀԷՑ գործունեությունում հանձնաժողովի կողմից սահմանված մի շարք իրավական ակտերի պահանջների խախտումներ է հայտնաբերել: